പേരാവൂർ : ലഹരിക്കെതിരെ പൊലീസിൻ്റെയും പിള്ളേരുടേയും കൂട്ടയോട്ടം, സമ്മേളനം, മാജിക് ഷോ, ഫ്ലാഷ് മോബ്. ലഹരി വിരുദ്ധ സന്ദേശം പ്രചരിപ്പിക്കുന്നതിനും ഓപ്പറേഷൻ തൂഫാൻ്റെ ബോധവൽക്കരണത്തിനുമായി പേരാവൂർ പൊലീസ് സബ് ഡിവിഷൻ്റെ നേതൃത്വത്തിൽ ലഹരി വിരുദ്ധ ബോധവൽക്കരണവും കൂട്ടയോട്ടം, ലഹരി വിരുദ്ധ പ്രതിജ്ഞ, പൊതു സമ്മേളനം, ഫ്ലാഷ് മോബ്, മാജിക് ഷോ, സംഗീത സദസ്സ് എന്നിവ സംഘടിപ്പിച്ചു സമ്മേളനം പേരാവൂർ ബ്ലോക്ക് പഞ്ചായത്ത് പ്രസിഡൻ്റ് ഇന്ദിര ശ്രീധരൻ ഉദ്ഘാടനം ചെയ്തുതു. പേരാവൂർ ഡിവൈഎസ്പി ചന്ദ്രമോഹൻ അധ്യക്ഷത വഹിച്ചു പേരാവൂർ പഞ്ചായത്ത് പ്രസിഡൻ്റ് നിഷ ബാലകൃഷ്ണൻ മുഖ്യതിഥി ആയിരുന്നു. അസി.എക്സൈസ് ഇൻസ്പെക്ടർ ബാബു ജോസഫ് ബോധവൽക്കരണ ക്ലാസെടുത്തു. രാജീവൻ ടി വിലങ്ങാട് ലഹരി വിരുദ്ധ മാജിക് ഷോ അവതരിപ്പിച്ചു. പഞ്ചായത്ത് വൈസ് പ്രസിഡൻ്റ് കെ.എ.രജീഷ്, അംഗം കെ.പി.അബ്ദുൾ റഷീദ്, ഫാ.മാത്യു തെക്കേമുറി, ഷഫീർ ചെക്യാട്ട്, പി.പ്രജിത്ത്, പൂക്കോത്ത് സിറാജ്, കെ.കെ.രാമചന്ദ്രൻ, ഒ.ജെ ബെന്നി, ഷബി നന്ത്യത്ത്, നൂറുദ്ദീൻ മുള്ളേരിക്കൽ, കെ.ആശ, പി.റോബിൻ ജോസഫ്, എം.സി കുട്ടിച്ചൻ, കേളകം എസ്എച്ച്ഒ ഇതിഹാസ് താഹ, പേരാവൂർ എസ്എച്ച്ഒ എസ്.അസിം, പേരാവൂർ എസ്ഐ സി.സനീത് പ്രസംഗിച്ചു. എൻസിസി, എസ്പിസി, മോണിങ് ഫൈറ്റേഴ്സ്, വിവിധ സ്കൂളുകൾ എന്നിവരുടെ സഹകരണത്തോടെയാണ് കൂട്ടയോട്ടവും ലഹരി വിരുദ്ധ പരിപാടികളും സംഘടിപ്പിച്ചത്.
Police and children together against drugs in Peravoor!
